زلة لسان المرء تكشف كنينه

[الطائر المهاجر]

زلة لسان المرء تكشف كنينه = وعند الدراهم ينكشف كل مستور
لا تامن الدنيا تراها خوينه = واللي تثق به ينكشف يلعب الدور
لا من بدا ضعفك يطلع دفينه = من بعد ماهو صامتٍ عمر ودهور
هالعينه ماهي لعمرك امينه = لا طحت ولاّ صرت بالداء مأسور
ارفع مناحيها بعقل ورزينه = وابعد عن شعيبٍ به السيل محجور
فالحر حر ولو نزح عن عرينه= الارض ملكه مارضى يبات مقهور
يفرس بمخلابه وحوشة يمينه = ولا يطرد لبومٍ تعلا على السور
الله خلقنا احرار ياعارفينه = والحر ما ينذل لو كان مكسور
جينا فرادا كل واحد بعينه = ونرحل فرادا لا عيالٍ ولا قصور
عيشتك وحدك في هدوء وسكينه = ولا رفيقٍ غير الدرب بالجور
غره زمانه فالدراهم لعينه = ياما تغيّر كل واطي وطرطور