الجديد المتواضع ,,

[حرف وشعر]

اواه من وقت العنا والتبهذال =كلما بغية ينجلى زاد همه
كلما بغية ينجلى كدر البال= وعوّد على قلب المعنا وسمه
جربت انا حضى ميامين وشمال= مير البخت ياصاح ماصار يمه
ناديت بعلا صوت منى على جال= كود ان يسمع صرختى من يهمه
رد الصدى بحروف صوتى ولا قال= شسباب حرمان الصدى من يلمه
انا المعنا لابس الهم سربال= سبع (ن) على سبع (ن) على سبع ذمه
اسج بقدام الرجاء طالب الفال= واعيد انا والياس نفس المهمه
ارقتنى ياهم والنجم قد مال= وشلك بنومى تخنقة فى مسمه
سهران انا مابين فنجان ودلال= وابهار يبرى كل راس(ن) يشمه
وسهيل بادى دونه الكوكب الزال=عينى معك ياسهيل والقلب يمه
غزيل(ن)وحشى عن الناس جفال=ماياصله ياغير خاله وعمه
يامستّر اخدود(ن) بها حبة الخال=ستر الحلا يازين محد(ن) يذمه
فى ذمتى لوكان للشعر تمثال=كنت انحتك يازين فى راس قمه
ولوما الجمل ماصار فى الناس جمّال= ولوما الامل ماصار للناس همه
وانا على ذاك الامل تابع اللال=ياكود يصدف لى مع اللال زمه
زمة ريا واكفكف الحال بالحال=ولاّ نشف ريقى ولا من مذمه