الشعب لامن انقسم في جزئيات

[الطائر المهاجر]

الشعب لامن انقسم في جزئيات = وكلٍ يحارب بعض جهر وخفيه
وكلٍ يكفّر بعض بغض وكراهات= لو كلهم مؤمن برب البريه
لابد يشعر بعضهم بالحزازات = ويلقى به العادي عوين السجيه
باموال يغريهم ولين العبارات= ووعود ما تصدق بوقت الرزيه
ويطلب يخدمونه ببعض الشقاوات= ومن قال هيا يركضوا له سويه
لو هو عميل مجندٍ للمهمات = مايدروا عن دوره واصل الهويه
لو هو بيدي قلت مافات قد فات= نجدد الصفحه بفكر ورويه
الشعب واحد في جميع المجالات= والعدل واجب بين كل الرعيه
قول وفعل ماهو كلام ودعايات= في كل ميدانٍ بصدق النويه
وكل بدينه يحتمل للخطيات = يحاسبه ربٍ عليمٍ الطويه
ومنهو بدا الفوضى نعاقبه بالذات= ولا نعمم للنفوس البريه
اللي دخيل نرحله فعل بسكات= واللي اصيلٍ نفهمه بالقضيه
ومن حاول بتمييز بث الخلافات = او قام بافعالٍ بها عنصريه
يحاسب على فعله بأقصى العقوبات= يصير عبره للنفوس الرديه
الدين لله عالمٍ بالخفيات = والدار ملك الكل من كل هيه