يا بنت لا يخدعـك بالحـب كـذاب(بالصوت)

[الطائر المهاجر]

بصوت الشاعر الينوفي

http://up.ftahilah.com/up/uploads/meElga/Yabint1Lay5d3k.rm


يا بنت لا يخدعـك بالحـب كـذاب = يقـول أحبـك بيـن كـل الملاييـن
ياروح روحي ادخلي واقفلي البـاب = في وسط قلبي واسكني بالشراييـن
ما لي بدرب الغي ما لي بالأحبـاب = ما دام عنـدي سيـد كـل المزاييـن
هرجه حلو ما لـوم قلبـك إذا ذاب = وهـو الحصيني في ثياب المحبيـن
عنده صور وأرقام لو حطت كتـاب = دليـل فاضـح للبنـات المساكيـن
يقطف ورودٍ بين مـا لـذ أو طـاب = هذي سواته دونمـا عقـل أو ديـن
ضايع وضيع كل بنت لهـا أحساب = حرة أصيله تايهـة فـي المياديـن
البنت وردة يوم تقطـف وتنصــاب = هشيم تصبـح مـع خمام البساتيـن
يجري بها التيار ما تحسب حساب = وفي الآخرة بالذل مكسـورة العيــن
يطمع بها الجرذي ولو ماله انيـاب = وتخاف من بعض السلق والكلابيــن
تعيش باقي العمر في خوف ورهاب = مشغولـة بالنفـس مثـل المجانيـن
بنت العرب جرح الهوى يوم ما طاب = حذراك من درب الحصاني الملاعيـن
العقل سيفك فالعقل يـوم مـا خاب = والدين درعك في زمـان الشياطيـن
والرجل سترك هو عمودك والاطناب = تخيّـري حـر الصقـور الشياهيـن
لو هو فقير ، الفقـر في يوم ما عاب = كـم مـن غنـي تافه في المضامين
ولا تهيني الحر باللوم وعتـاب = يطير مـن يـدك وصعـب ترديـن
الحر ينتج حر ، والبوم لو طـاب = عنز ولو طـارت وفل الجناحيــن
الحر في وقت الشدايد له أنيـاب = سبع شجاع نظرتـه تحـرق العيـن
ووقت الرخى دوحه ظليلة ولو شاب = وسيع صـدرٍ عـادل بالموازيـن
يتقاسم اللقمة معك ويش ما جاب = رزقه حـلالٍ لا طـرارة سلاطيـن