روحي بامان الله لاتذكريني(بالصوت)

[الطائر المهاجر]

http://up.ftahilah.com/up/uploads/Mine/Ro7ythkreeny.rm



روحي بمان الله لا تذكريني= وانسي فؤادي لاتجيبين طرياه
كنت احسبك تدرين معنى حنيني= واثرك لهيتي مع غرامك ودنياه
ماني على الفضوه ولا تحتريني = منهو سلى عنّا سلينا بنسياه
مسحت ذكرى مؤلمه من سنيني = ولا عاد في قلبي لك اليوم حضياه
انا غلطت .. الجرح سبّة يديني = لو زاد نزفه واستقرن لجاياه
الرجل من لايخدعه رَمش عيني= ولابسمةٍ في ضعف تشعل حناياه
ولا كلمةٍ في الحب تلقى مليني= مادام حبّه ما عرف وش نواياه
في وقت صار الحب ماله أميني= سلعه تباع ولو تزايد ضحاياه
من ماهرات باصطياد الثميني= من جاهلٍ به مادرى عن خفاياه
يستسلم بذله ويرخي الجبيني= ولا من لقت غيره سلت عنه ويّاه
الحب ما يفهمه غير الرزيني= اللي بعقله ما خفنّه زواياه
درسٍ من الأفلام للعاشقيني= تنجح به اللي معجبه في غواياه
تضحك على من بالهوى كالغصيني= وفي قلبها غيره تحرى هداياه
وأنا سبرته واثقٍ من يقيني = وادركت حبك خادعاتٍ مراياه
روحي مع النسيان وانسي سنيني = منك انتهى قلبي بموته ومحياه