قصيدة ومن ياصل الستين هذي صفاته

[سعيد عوده الحويطي]

اخواني اعضاء منتدى الفطاحلة الكرام اقدم لكم هذه القصيدة وارجوا ان تحوز على رضاكم .



في البيت شايب مرتكي فوق مركاي=وابلش عيالي بين وده وهاته
قدامي الدلة وقدامي الشاي=ومقابل التلفاز واقلب قناته
وازعل بليا شي ويا مسرع رضاي=والنوم عندي مرتكي في عباته
وكل حين لي فكرة وكل حين لي راي=ومن ياصل الستين هذي صفاته
ولني طلعت البر ترجع مزاياي=كني ولد عشرين باول شباته
اقوم واقعد ما تحيرت باخطاي=واللي يسوي شي اسوي سواته
تدري الجواب الصدق لو قلت لي واي=لاني ابدوي والبر ملهم حياته
اعشق هوا الصحرا وهي غايت مناي=وكل على كيفه يصيغ امنياته