البارحه

[عبدالله بن عسكر]

البارحه موق الهوى شـقّ صـدره=ينثر علـي عوجـه مقاديـر دنيـاه
في ضيق برَّه نَوّخ رِكـاب فكـره=علَّه يسوق ركابها شـوق مضنـاه
سالت ليلـي عقـب ثلثيـن عمـره=من قبل فجره يفضح علوم مسـراهّ
عن غايبِ قفَّـا والسبـاب عـذره=تاهت دروبي في محاذيـف ذكـراه
همسه يقول بصمت شميت عطـره=اللي تناثـر فـي ثيابـه وممسـاه
وتسافر الظلما علـي نـور بـدره=حتي يهيم الصبح في ضوح قمـراه
واهداب ِرمشه في غداريك حسـره=والوجد في مرفّا شواطيـك خَّـلاه
يالليل يكفي صرت باطراف سكـره=لي صرت صاحي قّيد خطاي ممشاه
يالليل موتي خّمنـي كـاس خمـره=معذور من سجّ الهوي فـي حنايـاه
حبيبتي فيها البـرد شـبّْ جمـره=وادلال شعري هيلها البـن قهـواه
مجحود جاك القاف يختال قصـره=الحرف فارس في صناديق مغـزاه
ِكليب وش علمه معـا بنـت مـرّه=من خوف هجره يبعد خيـام يمنـاه
مسكين قلـبِ طاعهـا كـل مـرَه=الليل مايدري العمي وقـت فرقـاه
ياشوق جرحي بالهوي شاخ عمـره=بِعيون قيسٍ ناظـر اطـلال ليـلاه
والا سلامه واطعن برمح عصـره=طوَّع كبـار القـوم لعيـون عليـاه