وين أنت ياخلي

[ابراهيم غضيان الشراري]

وين أنت ياخلي زعيم المواليف= ماخفت ربك بابراهيم وعذابه
اللي يعاني ضيق هم وتحاسيف = من يوم ماطول حبيبي غيابه
اجمع من الذكرى واشوف المظاريف= هديته ورسالته من عتابه
وتحن له من شوق كل المهاديف= وكلي على كلي نود اللقا به
اللي جماله فاق كل التواصيف= هو الوحيد اللي معاه الاجابه
اللي معذبني له شهور ماشيف= وبغيبته قلبي كتبه وقرابه
وتهب ريحه كل ماذعذع الهيف= وأشوف خلي مع رذاذ السحابه
يامطول الغيبه على القلب ياحيف= أنا الولاء والا أنت سبت عقابه
الدمع يذرف والمآسي مغاريف= وأنا السجين اللي يعيش الكأبه
بس الاكيد أنك عديم المعاريف= وحتى الوفاء عندك عديم استجابه
=الشاعر/ ابراهيم بن غضيان الشراري