قصيدة من كلمات الوالد ، غناها حجاب

[داعي الشوق]

هذه القصيدة من كلمات والدي ( سعد منير العتيبي ) رحمة الله عليه،
وهي مشهورة،
وقد تغنى بها الفنان حجاب و الفنان الكويتي يوسف محمد قديماً
. و قد ذكرت انها من كلمات والدي ايام الشات الصوتي واعترض على كلامي الاخ محمد البدراني
الله يذكره بخير ..

و للتأكيد على ذلك . ابحث في اليوتيب عن
( مقابلة الفنان يوسف محمد في برنامج .. وينك)

لو كان مسموح وضع الروابط هنا ، لأختصرت عليكم المجهود


********
كنتي حبي كلٍ يشاهد الثاني =مير ها الحين انتي وينك وانا ويني
بالسعوديه وخلي بخيطاني =ألف كيلو حايل بينك وبيني
لو حبيب الروح لاجيت حياني =كان اباصلهم لو امشي علي عيني
ياحبيب اصبر علي الضيم من شاني =مثل ماني صابرٍ وانت تكويني
كم كتاب ارسلت والرد ماجاني=صابني شك انك اصبحت ناسيني
معي عنوانك وانا ارسلت عنواني=وطالت المده وانا انقل عناويني
افتخر بسمك مع افلان وافلاني=احسب ان الاسم ينفع ويغنيني
مايصير انك تمر وتعداني =مثل ماراعيك لازم تراعيني
لاتخليني امن الحب مرضاني =وانت يالمجمول تقدر تداويني
ياريش العينين ياعود ريحاني =وين ودك مع طريقك توديني



.. الشاعر : سعد منير العتيبي
^^^^^^^
^^^^

ولتوثيق ذلك تم النشر