طول عمري والفكر دوم اعتدال

[الطائر المهاجر]

طول عمري والفكر دوم اعتدال=ماني متطرف يمينٍ او شمال
رافعٍ راسي ولا يوم انحنى= غير لله العزيز وذو الجلال
قانع بالرزق ما عندي طموح = لذل نفسي لاجل جاهٍ اولمال
ما احب الفشخره واهل الهياط =التواضع مذهبي في كل حال
احسب اني مواكب العصر الجديد= واثري الرجعي بفكري والفعال
رغم اني عشت بامريكا سنين= خذت علم ولا تغير بي خصال
ماني مثل البعض يركض للفلوس= مايهم كانت حرامٍ او حلال
لو يذل النفس او يفقد كرامه =يصير كالحصني يتسلق للجبال
لين ياصل فوق في ذل وخنوع= ويبتدي في سرق ما يبغى عجال
وبعض يتستر على بعض الاجانب= يحولوا المليار ويعطونه ريال
ما يعرف انه يساهم في الخيانه=يضر داره واهلها باقذر ختال
يرثع الاجناب فيها تحت اسمه=وينحرم ابن الوطن ماله مجال
وبعضهم خلف الجرايم بالبلاد= سرق والا نهب او حتى احتيال
كل هذا من نتايج مد مادي= ناخذه من الغرب في كل امتثال
ضيع العربان فيه اجمل مبادي=وصاروا مطمع للحصاني والبغال