كان العرب..وما بعد النفط (بالصوت)

[الطائر المهاجر]

https://www.youtube.com/watch?v=4iK4Jj5FTOg


كان العرب من حضرهم والبوادي= اهل الشهامه والشرف والمبادي
كلٍ عزيز النفس يعلي الكرامه = مايوم تلقاهم يبوسوا الأيادي
حتى غزاهم ماخذ الدين ستره= وانخدعوا بطرحه لإعلاء الجهادي
وبالشرق استعمار من نوع أخر= الانجليزي جاء بقوة عتادي
ما جاء عبث لكن يدري المخبا= النفط تحت الأرض يبغى اجتهادي
ومن بعد ما جاء النفط والمد غربي= تغرب العربان في كل وادي
كلش تغيّر بين يوم وليله = حتى الشهامه والشرف بالعبادي
صاروا عبيد الفلس في كل موجب = كلٍ يتسلق لاجل نيل المرادي
يكذب ينافق بالمدح ما يهمه = القرش سيده مخضعه للمنادي
ومن ضعفهم صاروا هدف كل جاير=ترك ويهودٍ او جماعة نجادي
لو سبّوا لبعضٍ فهذي خديعه = الخافي اعظم من امورٍ بعادي
والمشكل اكبر من دخيلٍ بينهم= جاهم بوقت النفط طرشٍ وغادي
من مدعي للأصل والأصل هايف= لو هو تمسكن خادمٍ للمعادي
لاتحسبون النفط يا ناس دايم= عشرين عام وينتهي بالوكادي*
والمستعمر المخفي ابيوم يرحل= ما فيه ما يغريه في كسب مادي
ليت العرب لو يستفيقوا للحظه = ويخططوا لأزمان سود شدادي
بتجنيد اجباري لشباب ضايع = وتدريب يجعلهم رجالٍ عدادي
وتطوير ذري يرهب اللي نواهم= ومعها مزارع منتجه للمدادي

*حسب تقرير البنك الدولي فإن بترول الخليج سينتهي في حدود عام 2050