اذا من الفتى حاول وبذل جهده

[الطائر المهاجر]

http://www.fatahilah.com/up/zmanussmt.mp3

إذا من الفتى حـاول بجهده يبذل المطلوب = وخاب الظن لا يزعل مادامه قايم بدوره
يـدوّر عـذر يقنع به وإذا يجهـل ترى مكتوب = من اللي قسّم الارزاق في الواح مسطوره
صحيح الوقت ما يشجّع ولو في مهنتك موهوب = إذا مالك ظهر أو واو تحس النفس مكسوره
تعيش القهـر والامرار والإحباط حتى تذوب = تباري الساس في مشيك تخاف كلاب مسعوره
لقيت الحرّ لـو يسكت يحسّ الذنب بالف ذنوب = ولـو يحكي بني صامت تكلّم شـاهد بزوره
تقعّد له خشاش الارض وبوم وحصني مجلوب = تعـلّم كيف يتسلّق ويـوثق به وفي شوره
نصف قرن وانا شاهد واشوف الصوره بالمقلوب=اغمض عين وافتحها عسى تتعدل الصوره
تعب شوفي من التغميض واحس ان الزمن ملعوب= على سفرة قمار العقل وبنتٍ كلها عوره
احس الوضع كلحفره وحنّـا بقـاعها المعطوب = وكل يدعس الثاني يبي يطـلع بلا شعوره
يحسبه لا طلع يرتاح ولـو هو طـالع مخطوب = مصيره راجع ويدعس مثل غيره على زوره
زمان الصمت وش باقي عن عيون العقل محجوب= متى تتعدّل الصوره وكل ياخذ لْدوره
متى نصبح بني آدم لنا حْقـوق وعلينا رتوب = متى تصحى وتفهمني وتعدل ظلمك وجوره
تبي حقـك وابي حقي بـلا غـالب ولا مغلوب = مدام الله وضع للكون هذا الشرع دستوره
تـرى بيت خرب ساسه تعرفه لا بتدته شطوب = ولو حاولت ترقيعه يطيح ولو وقف سوره