غيابك..........

[صوت الإحساس]

يقال أنه لا شيء أقسى من الغياب إلا القلب ألذي أقدم عليه


هذه المتواضعة إلى قلوبكم الطاهرة


غيابك............





غيابك حبيبي عن عيوني عذاب وجور = واذا ما تصدّق شوفني وش حصل فيّه
مجرّد بقايا جسم في مشيتـه مجبـور = ويحمل معه نفس(ن) يقول انّها حيّـه
وانا والّذي سوّاك عايش بدون شعـور = حياتي بـلا معنـى وحالـي شقاويّـه
غيابك بنى بيني وبين البقيـه سـور = ومن يومهـا وحـدي بدنيـا خياليّـه
اسافر عن الواقع الى العالم المهجـور = مع اشباح خوفي والألـم والمزاجيّـه
اصوّر ملامح وجهك الغايب المحفـور = بقلبي وفي قلبي من الشـوق ماريّـه
أواسي بطيفك لوعة الخاطر المكسور = أحاول معـاك انسـى بقايـا مآسيّـه
يجيني دفا همسك على عطرك المنثور = كأن السما تمطر على الأرض حنيّـه
ألملم شتاتك كنّي الخايـف المذعـور = أخاف الزمن يطري غيابـك بعفويّـه
يبكّي خفوق(ن) لو بكى غيبتك معذور = حياته بدونك مثل ليل(ن) فقـد ضيّـه
حبيبي ترفّق مت من قسوتك مقهـور = حرام الدّمار اللي تسببـت بـه ليّـه
كأنك تحالف والجفا جيشك المغـرور = وروحي بعينك يـا عيونـي عراقيّـه