القلب الشماعه

[الطامي]

ياداعي الشوق والعربان هجاعه = الطرف عيا يذوق النوم سهراني
والنفس عيت تذوق الزاد ملتاعه = من هاجسٍ حافها بالعون يبراني
وافكار وهموم تاتيني على الساعه = وشكواي لله ما بينها لعرباني
من واحد ماعرفنا وجهة اسناعه = نوبٍ صديقٍ ونوبٍ كنه قوماني
يومٍ على الكيف لي السمع والطاعه = فيها اطبوعه عسل وايام شراني
لازان وقته علينا زانت اطباعه = وان شان وقته علينا كني الجاني
مايوجع القلب الا في تلكاعه = وانا اعرف انه ضعيفٍ وايتحداني
ماهو بصعبٍ علينا لية اذراعه = ونعامله بالمثل لو كان يجفاني
لاكن اداريه واجنب من اوجاعه = لوكان قلب العنا عمسٍ مرضاني
مايدري النفس قدهي منه جزاعه = والقلب قد هوعلى المنهاج شفقاني
هو يحسب اني غريرٍ جاه قرقاعه = عقب البكا فارح ويبات طرباني
لو بالتمني قبضنا كرمة اكراعه = والايفه بالعصى غيضٍ وطفراني
لاكن عليه القلوب بها توقاعه = الا قسى واحدٍ يبكي له الثاني
ماهي بقلبين لاكن فيه شماعه = متحمل من خطا لاول وحقاَني