برقن شعق واستانس القلب ياسعود

[محمد المغيلث]

اخواني هنا في منتديات الفطاحله الشامخ بأهله ومحبيه

يسعد ربي مسائكم بكل خير

بمناسبة هطول الأمطار الغزيره على قرية الصفراء

ليلة السبت الموافق 25/10/1429هـ

والذي من خلاله سال وادي الصفراء الكبير ( مروي )

بعد انقطاع دام اكثر من ثلاثين عام لم يمشي ويسيل بهذا المستوى المعروف عنه

حيث انه جرى وتلاطمت امواجه من الجال الى الجال

ونحمد الله عز وجل بهذه العوده المباركه جعله الله سقيا خيرا وبركه وعم بنفعها

المسلمين اجمعين

_____________________________



انا احمد الي ياهب الرزق ياسعود=الي عظيم بالسموات عالي
الواحد الي كل خلقه له سجود=رب السماء له عزته والجلالي
الله ولا غيره غفور ومعبود=المنفرد في عظمته والكمالي
البارحه سهران انا مابي انكود=بالعكس طربن والنكد ماطرالي
ماني حزين والسعاده بي ارجود=مستانسن كلي ويازين فالي
لاني بلا عاشق ولاني ابملهود=وانا احمد الله مهتني في حلالي
يومن لمحت البارق الي له ارعود=الي على المنشاء لمع واستخالي
برقن شعق واستانس القلب ياسعود=وارسل على الصفراء حقوقن خيالي
وسمية يطرب لها كل مظهود=قامت تحز ابخيرها كل جالي
سالت به الشعبان واسترسلت زود=واركت هماليله بروس الجبالي
افطر بها (مروي) عقب صومه اعقود=جاك ايتزابد من حقوق الخيالي
الوادي الي سيلته كلها اسعود=تمشي معه كل الشعب والسهالي
وبختامها ياواهب الرزق والجود=تبع لخيرك يامجيب السؤالي
خل الصحاري مخضره فل وورود=اقلب شهابه ياعظيم الجمالي
نبي النفل والربل بالحمر والسود=مع الخزامى ومن ترجاك نالي


___________________________

تحيااااااااااااااتي