الـــــقـــــزم يـــبـــقــى قــــزم

[شجاع عمر الأكلبي]

لاصار منتب لضلع الطيب حاديني=خلّك على هفّتك عساك ماتعوّد

قلبي بحب الوفا والطيب مشقيني=وفي صحبتك يالردي مانيب متجوّد

الأصحاب في حزّة الشدات ترجيني=مانيب مثلك مع الأصحاب متفوّد

أنا الوفا والصفا صفحة عناويني=يومن غيري يخب شوي ويهوّد

ولانيب في نظرتي لأصحابي دويني=ولاني على لعبة الحبلين متعوّد

وأمشي على منهجي في العسر والليني=ورأيي براسي مانيب أتبع ولا أقوّد

وقت اللوازم تراك قصيّر إيميني=تبرا لها من بعيد تخيل وتحوّد

مبداك طين ٍ وترجع لأصلك الطيني=وفي داخل القبر يبلى الجسم ويدوّد

وإن جا مجال ٍ بذكر الزين والشيني=وجه ٍ يبيّض لفعله وآخر يسوّد

أذلف عسى ماتشوفك يالردي عيني=مانيب في صحبتك ياللاش متجوّد