فك السجين اللي شكى من سوطك

[فواز الغسلان]

ياللي تعـبت ولا وصلت شـطـوطـك=وان زدت في شوطي تزود اشواطك
دامي رضيت براحـتـك وشروطـك=اخـاف جـرحـك يالـغـلا واحـبـاطـك
وطـالـت علـينا ديرتـك وخـطـوطـك=وابـعـدت عـنـا عـزبـتـــك وقـشـاطـك
اسقيت وسط الجوف من مخـلـوطك=وذقـنـا لـهــايـب هـرجـتـك وغـلاطـك
تـعـبـت اطـارد لــعـبـتـك وخـيـوطـك=وبـانـت جروح القـلب من مخـباطـك
ومادام حـظــي يـالـغـــلا ما اهـوطــك=وشلون تـدفـع لـي قـديـم اقساطـك
فك السـجـيـن اللي شكي من سوطـك=ولا داج فـي بـالـك تـفــك رباطـك
لو كنت تـسـفـط لي حلا مسـفـوطـك=ماكـنـت قـدامـي تـشـيـل شـنـاطـك
وزدت الـعـنـاد بـلـهـجـتـك وغـلــوطـك=وفي مشط مجدول الحـلا بامشاطك
ويــوم انـت قـدامــي تـهـــز جـنـوطـك=وشابطـت قلب(ن)مايريـد شباطك
ان جـيـت مـطـلاعـك بديـت هـبوطـك=خـلـيـت قـلـبي بالـهــوى مـزقــاطـك
ضـمـنت عـنــدي مـنـزلـك وقـلــوطــك=وانـك على الخـفـرات شلت انواطـك
وحلـيـت من قـفــل الـوعــود بلـوطـك=وخلطت صدقك بالـوعـد وخراطـك
ان جـيــت بـانــت صـدتـك وقـنــوطـك=وقـبـــال نـارك يـخـــتــفـــي مـلـقـاطـك
يالـلـي عـلــى قـلـبـي حـفـرت نـقـوطـك=وشـفـطـت دم الـعـرق فـي شفاطـك
امـنــع عـن الخافق غـثـيـث شـخـوطـك=وابـعـد لهـيب السوط من ضباطـك
وان مامنعت عن الـضـمـير شـعــوطــك=واطفيت عن جـوفـي لهـب شخاطـك
والا ضـمــــنـــا بـالــغـــــرام ســقـــوطـك=واقــعـــد مـقـــابــل كحـلـتـك وبسـاطـك