البــــــــــــــــــارحه ..

[عبدالعزيز ابراهيم المنصور]

البارحه قلبي من الهم محتاس = سبة وليف ٍ قاطع ٍ في وصاله
هو الوحيد اللي هويته من الناس = ومابي حد ٍ غيره ولا ابغى بداله
(عليه كني في دجى الليل حراس) = مغير اهوجس واتخيل خياله
انا احبه حيل والقلب حساس = وارتاح لامن صرت جالس قباله
واخر كلامي بيت مني بقرطاس= عل وعسى يقراه ويزين فاله
ترى الهجر يازين ماهو بنوماس = يقضي على من حب ويسم حاله