مفاهيم الغرام

[عبدالله راشد الثويني]

السلام عليكم ورحمة الله وبركاته

أضع هذه المتواضعه بين أيديكم لعلها تنال القليل من إعجابكم




ياهلابك ياضياء القلب .. يابدر التمام=مرحباً مليون وأكثر .. ياهلا واعزُ طلـٌه

عن سمايه يوم جيتي إنجلى ذاك الغمام=وإبتدى ضوُك يشعشع لين غطٌى الكون كلٌه

فِيك بكتب وآتغنٌى . كل ماناح الحمام=وأغتنم فرصه لقانا ياوليفي واستغلـٌه

سار حبري بك يهلٌي . سار لجلك واستقام=هيبتك تفرض على الميله . تفزٌ وتعتدلٌه

تفتخر فيك القوافي وإنت لحروفي وسام=يشهد الله ريق قافي غيركم محد(ن) يبلٌـٌه

في حضورك خافق المشتاق رفرف وإستهام=وإنت كل إنسان شوفك لو يطوله مايملٌه

قدركم زاد وتعدى أبجديات الكلام=الوكاد إنٌه تمكن في خفوقي وإستحلٌه

من تولع في غرامك لا .. وربي مايلام=حيٌ . نظراتك تشافي من زمانه زاد غلـٌه

من عيونك ياخذ العاشق مفاهيم الغرام=من تعذٌب لو يشوفك . سهل ينسى كل علٌه

مثلكم يانور عيني مابقى وسط الزحام=عن جميع الخلق تبقى .لك مكانه مستقلٌـه

إفرش بساطك بقلبي . يامٌنى قلبي ونام=لعنبو قلب(ن) تبيخل يستضيف اليوم خلٌه

دام غيرك ياغلاهم ماقعد عندي وقام=سوٌ .. ماوٌدك تسوٌي . أبٌسط حجاجك وفلٌه

ماعليك من الهروج الزايفه واهل الخصام=القمر ماكل واحد قادر(ن) ياخذ محلٌه

قمت أهلٌي يوم طيفك (زارني وسط المنام)=ماذكرته ذا قليل بحق قلبي وماحصلٌه




وُدي لكل من عطر الصفحه بتواجده