من حكى لك حكى فيك

[عبدالعزيز ابراهيم المنصور]

قالوا ترى من هو حكالك حكى فيك=واللي حكا لي في قفا الناس واجد
اليوم ماتلقى عشيرن يصافيك=لوصرت بالافعال والطيب ماجد
يضحك معك لاقفيت يبدي خوافيك=لاجل الردى يسعى ودوم متواجد
والا إلا جارت امورك يجافيك =وخلا هموم الوقت فوقك تراجد
يامن تريد العلم ربي يعافيك=اتبع طريق الحق للخير تاجد
اخضع لأمر اللي خلقنا يكافيك= (إليا هجدك من الغرابيل هاجد)
دور رضاه ومن جروحك يشافيك=وزد في دعاه أكثر إلا صرت ساجد