حبل المواصــل

[سلطان العطاوي]

ياللي تنادي بمدلول الوفا والوصال =حاسب على محتوى العاشق ولا تجرحه

ما عاد فيها على حبل المواصل مجال =ويومٍ عطيتك أمل لقياه لا تفرحه

تعبت من كثرة الشرهات يابن الحلال =ويوم تسبه ويوم زين ما تمدحه

أورد من الهجر ينبوع الغياب الزلال =واشرب منه وانتبه له زين لا تسرحه

خلك بمدلول عشقك بين روح وتعال =وأقلط على فال حب مات في مسرحه

واذكر شقانا ليا هبت هبوب الشمال =وأكتب على رمل واقعنا العنا وامسحه

وان كان حلمك بيوم نلتقي لا يزال =احلم ويوم وعدتك فيه لا تفرحه