العبره عجزّت من لغبها تعدي

[نجم الإبداع]

ياليل وين الترف ياليل وينه=ودي بشوف الترف ياليل ودي
ان كان غايب قلت ربي يعينه=وان جاء فمن شهد الرضى جاه ردي
قولو خليلك لو جرى دمع عينه=ماشافه الا جفن واطراف خدي
صابر على جرحه ومخفي كنينه=والعبره عجْزت من لغبها تعدي
ازفر وتسمع زفرتي بالعيينه = وتاصل من الظهران لاطراف نجدي
من ضيقةٍ بالصدر صارت سجينه=بين الظلوع العوج عيت تهدي
اضحك مع العالم وروحي حزينه=والموت بين الهزل ساكن وجدي
الموت حق وحال بيني وبينه =لحظات تجري بين جزري ومدي
يالله طلبتك بالمصاب السكينه =واحسن ختامي قبل وقت التردي
وارحم ابي الي كلنا فاقدينه =واسكنه بالفردوس من عقب لحدي