نجم الإبداع
29-03-2009, 08:27 PM
ياقافيه من نبع صافي شرابك= تنكي الجروح وعادهن ماتعافن
لاصاغهن بكفوف ترف الروابك=صوغه من الياقوت وايقاعهافن
انتاجها لو سوقوه اهل سابك = ماطاحت البورصه والاسواق زافن
صيغت عقوده من ذهب بالمسابك=يوم المصاهر من لظاهن تجافن
ياهاجسي دام المشاعر زهابك = وش همهن لو بالجزاله توافن
الحرف يرقص من هوى لانطرابك=لمسات بعيون الحيارى يشافن
جاريت تيارك وماجيت زابك=مير القوافي يم بحرك تلافن
من فوق موجك يعبرن السنابك=وبوارجك منها المرامي تخافن
مالي براعي سيف حد الشبا بك=لكن عيون الحسد مايوم رافن
الي عليه تسوق صالي حرابك=برماح فوق الجرح والجمر لافن
راح الشباب وراح مثله شبابك=وهموم وقت اهل الدجاله تقافن
ماحلى زمان السعن وابهى جرابك=يوم النفوس بفقرهن مايخافن
واليوم ماباقي سوى اهل التنابك=محلقين اشنابهم والجوافن
بابل وبيت القدس واطراف بابك=منهن عيوني لذة النوم عافن
والشعر لو هو متكي عند بابك=ماللقوافي نود مثلك يكافن
هذا زمان اهل الهوى والمدابك=اما عصورالطيب من وقت طافن
ياهيه لو تشكي عليهم عذابك=ماشفت منهم ساعة الضيق صافن
لاشاقني ياقاف شيلة نشابك =ماردني عن هامة المجد دافن
اصوغها والحبك شك المشابك=حتى خلاخلهن بحنكه تصافن
لاصاغهن بكفوف ترف الروابك=صوغه من الياقوت وايقاعهافن
انتاجها لو سوقوه اهل سابك = ماطاحت البورصه والاسواق زافن
صيغت عقوده من ذهب بالمسابك=يوم المصاهر من لظاهن تجافن
ياهاجسي دام المشاعر زهابك = وش همهن لو بالجزاله توافن
الحرف يرقص من هوى لانطرابك=لمسات بعيون الحيارى يشافن
جاريت تيارك وماجيت زابك=مير القوافي يم بحرك تلافن
من فوق موجك يعبرن السنابك=وبوارجك منها المرامي تخافن
مالي براعي سيف حد الشبا بك=لكن عيون الحسد مايوم رافن
الي عليه تسوق صالي حرابك=برماح فوق الجرح والجمر لافن
راح الشباب وراح مثله شبابك=وهموم وقت اهل الدجاله تقافن
ماحلى زمان السعن وابهى جرابك=يوم النفوس بفقرهن مايخافن
واليوم ماباقي سوى اهل التنابك=محلقين اشنابهم والجوافن
بابل وبيت القدس واطراف بابك=منهن عيوني لذة النوم عافن
والشعر لو هو متكي عند بابك=ماللقوافي نود مثلك يكافن
هذا زمان اهل الهوى والمدابك=اما عصورالطيب من وقت طافن
ياهيه لو تشكي عليهم عذابك=ماشفت منهم ساعة الضيق صافن
لاشاقني ياقاف شيلة نشابك =ماردني عن هامة المجد دافن
اصوغها والحبك شك المشابك=حتى خلاخلهن بحنكه تصافن