للحديث أسرار

[ترانيم المطر]

للحديث أسـرار باحـت دمعتـه مجبـوره=يوم طـال البعـد والفرقـا تحـث خطاهـا
عالمي مظلـم قناديـل الفـرح مذعـوره=والحـروف السرمديـه ضايـعٍ معنـاهـا
الوله هـز المشاعـر حطنـي بالصـوره=مجمل العلـم أخـره بـس أولـه مبداهـا
ليل حالك ما ضـوى بنجومـه المنثـوره=يستدل بنجم واحد والعيون أعماها
قلب حابس فرحته ضلـم الخطـا مقهـوره=عين ماتدمـع تحجـر دمعهـا وأضناهـا
بين هاه وبين مـدري نختلـف بالصـوره=فكر شارد في هجـوس الكلمـه ومعناهـا
حلّل المعنى وفرّق حشـد جيـش الثـوره=أكتفـى بالسلـم عانـد نفسـه ومبداهـا
في غياهـب مضلمـاتٍ فرحتـي محشـوره=خطوتي تاهت عبث ما ضيعـت مسراهـا
القوافـي عاندنـي والعـلـل بسـطـوره=فرحتـي ماتـت تـوارا حلمهـا مثواهـا