الطيب

[طلال البدور الشهراني]

الطيب ماجاء للمطاليق ببلاش=والامثل دلوٍ قريب المناويش
ولاهوب صيدٍ يلزمه كل طراش=يتعب على صيده كثير المطاريش
فياحظ من حطه له الحاف وفراش=والا تهنابه مثل لقمة العيش
لانه علاجٍ ينعش الروح والجاش=ويزيل هم اللي جمع ينّ وقريش
واخص من قلبه بياضه كما الشاش=اللي ليامنه دعي ينفظ الريش
واللي يسمى للنواميس حواش=ماهوب من يكثر ورى الناس تفتيش
والا الردي لامن دعي دوم ينحاش=يقفي سوات الفار في داخل الحيش
طبعه لاجات الموجبه جاه الارباش=تقول كنه مربشه لذعة الفيش
فوالله ماودي بقصرٍ ولاكاش=ولانيب طامع لي بدولة ولاجيش
ولاكن ودي بموتت النذل واللاش=واطمع بخوة من زهمته ماقال ايش