عـــطـــر الانسام

[الملتاعه]

عـــطـــر الانسام



لا قلت احبك يشهد الله احبك = ولا قلت مبلي فيك بالفعل مبلي

دربي بلا موعد تلاقى بدربك = الله أمر وأمره عظيم التجلي

وليا سألت الروح من هو محبك = يرد قلبي باهي الخد خلي

قلت احلفي بآيات ربي وربك = انك معي مثل ألسحابه وظلي

وحلفت لك من قلب صادق لقلبك = أني وفيه باندفاعي وكلي

عشتك مسافة بعد كني بقربك = وان صح تعبيري فديتك وأنا اللي

أسال بلهفة عاشق الود وشبك = يا من خفوقي يتبعك ما يملي

وتقول خايف من غيابك وطبك = قصمة ظهر لو هو في يومٍ حصلي

وأقول اهدأ وش بلا اليوم خطبك = وش يقلقك يا عطر الانسام قلي

يا جملة الخلان حالي رغبك = والحال ما يخفى عن أحوال ملي

أنا معك لو هو على الموت حدبك = مهما حصل ما يقطع الوقت حبلي

النور يطلع مع نسايس مهبك = والعمر مولودٍ لتو انعطف لي

يا مكبر قياس الولع لا رجح بك = كنه ملك كون الفضا بك تغلي


وان صابني عمقا بالأيام شهبك = يبقى الغلا فوق امتداده يهلي

ولا عاد لي نفسٍ على الود عقبك = لوصفت جموع الخلايق لوصلي

يحرم علّي كأسٍ سوى كأس نخبك = أما أنت وإلا للمنايا يولي


أنا شريت الود صعبا أكبك = الموت أهون من فراقٍ يحلي


والله لا يمكن عذابي يصبك = على لهيب النار غدر وتسلي


لجلي عشقتك واحتويتك واحبك = هذه حقيقة خافقٍ فيك مبلي


شعر /الملتاعة