سناعيس
04-08-2009, 07:52 PM
( غلطة فراقك )
بعدك ترى يابنت حنا تعبنا = اقولها صادق ولاهي تهاويل
انا اشهد انا في غيابك نشبنا=نفقد وجودك مالنا عنك تبديل
لاعادها الله ساعة به عزبنا= نهارنا ضايع ولا ليلنا ليل
غلطة فراقك كل ابونا ارتكبنا =لكن عسى الله يقتفيها تساهيل
على بعضنا مابه احد غصبنا =الا قلوب حبها يوفي الكيل
بعدك ترى يابنت طيفك غلبنا =أضفى على كل المشاعرتقل سيل
ياما على صدر الليالي كتبنا=لين النجوم الغايره تشكي سهيل
وياما يروح الوقت ما له حسبنا=الوقت يقفي والسوالف مقابيل
وياما على جمر الموده حضبنا =مع دلة الاشواق هي والمعاميل
وياما بفنجان المحبه سكبنا =من لذة العشاق بن معه هيل
وياما تذكرنا السنين وسحبنا=على شريط الذكريات بتعاليل
وياما نحس انا عن الوعي غبنا=لين أغرقت كثر الدموع المناديل
والخاتمه يابنت لأجلك نصبنا=خيام بها من كل ورده أكاليل
والقلب عن غيرك ترانا حجبنا= ولا عاد باقي فيه حيله ولا حيل
وبعدك ترانا من عنا الحب تبنا=وفيك اكتفينا وش لنا بالبهاذيل
تحياتي
بعدك ترى يابنت حنا تعبنا = اقولها صادق ولاهي تهاويل
انا اشهد انا في غيابك نشبنا=نفقد وجودك مالنا عنك تبديل
لاعادها الله ساعة به عزبنا= نهارنا ضايع ولا ليلنا ليل
غلطة فراقك كل ابونا ارتكبنا =لكن عسى الله يقتفيها تساهيل
على بعضنا مابه احد غصبنا =الا قلوب حبها يوفي الكيل
بعدك ترى يابنت طيفك غلبنا =أضفى على كل المشاعرتقل سيل
ياما على صدر الليالي كتبنا=لين النجوم الغايره تشكي سهيل
وياما يروح الوقت ما له حسبنا=الوقت يقفي والسوالف مقابيل
وياما على جمر الموده حضبنا =مع دلة الاشواق هي والمعاميل
وياما بفنجان المحبه سكبنا =من لذة العشاق بن معه هيل
وياما تذكرنا السنين وسحبنا=على شريط الذكريات بتعاليل
وياما نحس انا عن الوعي غبنا=لين أغرقت كثر الدموع المناديل
والخاتمه يابنت لأجلك نصبنا=خيام بها من كل ورده أكاليل
والقلب عن غيرك ترانا حجبنا= ولا عاد باقي فيه حيله ولا حيل
وبعدك ترانا من عنا الحب تبنا=وفيك اكتفينا وش لنا بالبهاذيل
تحياتي