ان القلوب لبعضها شوف منحاي ؟؟؟؟مع المري

[الطامي]

احب روحك مع قلبـك مـع كلـك=لك وحشه في كل عضو من اعضاي
ودي معك دوم باسفارك مع حلـك= ياللي بخيالي في مقامي وممسـاي
يامن تقمصك فـي كلـك ولا ملـك=متلبس فيك حتى الخطوه اخطـاي
هني منهو بوسط القلب محتلك=متمتعٍ في السويدا رايح وجاي
اعروق قلبه تمتع دوم من فُلك=تشرب من اثمار قلبك ماتبي ماي
لوبالتمني جعلت الجيب بيتٍ لك= ومنين مارحت احطك بمخباي
ياروح روحي عسى الجنه لمن شلك= انت المنى لي والسعـاده بدنيـاي
ارفق بروح المولع صوبنا خلك=لاتبعد ارجوك خوف اتقطع احشاي
لو بادعي عليك لعلك ولعلك= فينا تولع ولا يمحاه محاي
فيما مضى قد تعلمنا وانا خلِك=ان القلوب لبعضها شوف منحاي
وارجع لك اقول حبي لك انا كلك= ياعل يفداك من ينسى لحسناي