اهلاً هلا ؟؟؟ والرد على فلاح ؟؟؟مع المري

[الطامي]

حصل ان رد فلاح على قصيدتي التي بعنوان (( انا اشهد ان به فرق بين الخلايق )) الموجوده بالهمس
وقد رديت عليه بما اقدمه لكم عسى ان ينال على اعجابكم ::::::::::

فلاح يقول في رده :-


يابو محمد مانت ياصـاح رايـق= في كل وادي لك هيـام وزوايـا
كنك مضيع شيّ او بـك حرايـق=والا هوى في تالي العمـر غايـا
قص الاثر عندك غواه الف عايق=ياليت شي بدّيـه لولـد الطنايـا
والا التميمي لو يجي اليوم فايق=ويحلل الموضوع ضبـي الفلايـا
ساقت عليك اليوم بعض السوايق=وانشدك عن حالك بقرب الصبايا
ان كان تنصحني وفيني شوايـق=من يستشير اليوم ماعـدْم رايـا
مير البلا قطعـت كـل البنايـق=شاوي غنم كنك غوي في الشوايا
غرنوق صابك طرفها بالزرايـق=والا نداء قرد اختلـف بالمرايـا
لا واوجودي في زمان الخرايق=يابو محمد وانت عذب السجايـا
لو ضيقونا اهل الردى والخنايق=لابـد ماتظهـر بيـوم الخفايـا
القاف جاء لك يارجل بالوثايق=على النقاء حالي بصدق النوايـا
ياصاحب ارسل واحتفظ بالجلايق=والا فشل ياشعيل حمـل الروايـا

وكان هذا ردي عليه :-


اهلاً هلا باللي علينا توايق = وده ولا وده بتلك النوايا
شن الهجوم مسمماً بالبطايق= جتنا مراسيله ومعها شكايا
والمهنه اللي قالها لكل بايق= والالمجرم حرب جاه البلايا
عطى من المولى ولاجت لفايق= سيفٍ على الحايف حرامي الخفايا
وان كان تنشدني وتبقي الحقايق= عن حالتي بورد العدود الرهايا
انصحك تقدم كان بالقلب سايق= وما ظنتي تقدم تسوي سوايا
الخوف في قلبك مسويٍ طرايق = القدر يطبخ بس مابه عشايا
حشنا لنا غرنوق هاذي وثايق= والقرد حولك يم ذيك الحوايا
فلاح بن منشار منته برايق = من بعد نقلك صوب ذيك النحايا
قد قلت لك ياخوك خل العشايق= ماتستمع للنصح وتبقي حمايا
ويامرحبا بالقاف لو به زرايق = متقبلينه منك لوبه حكايا
وجتك الرسل بالرد عساه لايق = ياشعيل جاك الرد معه الهدايا