ماللحمول الكائده غير سمحان

[نجم الإبداع]

الهاجس الي فاح في تالي الليل=نرجس معه زهر الخزامى وريحان
ياهيه انا لاجيت ناوي التعاليل = طيرتني بالحب من غير جنحان
يفوح منك الطيب وقت التهاليل = والحرف من بين الثنايا له الحان
انت الصبا لاهب هبه تساهيل=من شم نسمه صار ساهي وسرحان
بيني وبينك للمحبه تراتيل = والبعد جمر وليل له ون سرحان
دون اللقاء حرب البسوس المغاليل=وسد ياجوج المصمت وجيحان
يالي خذا قلبي فدوك المهابيل = الي لهم طعن القفاء كيف جنحان
ويفداك حسادي وراعي الاقاويل =يالي بشوفك قلبي يصير فرحان
يانخب ماعرفوه كل المخاليل= متى اللقاء ياحب ليت اللقاء حان
يارب تغفر زلتي بالمكاييل = في شهر توبه ليش غنى لويحان
قد قيل فالامثال ياهل المعاميل= مال للحمول الكايده غير سمحان