شموع الحب

[حسين العنسي]

مساء الخير
ومبروك عليكم العيد
وكل عام وأنتم بخير,,




مابين الجفن ورموشك مسافه=وانا لعيونك أقرب من دموعك
أسوق الروح وآشق المسافه=لجل خافقْ نمت فوقه ضلوعك
تعب قلبي لشئ ٍ فيك شافه=جزع وارتاع من قوة هلوعك
أعاتب شيب وجهي في مخافه=عسى شيبي يذكرني بشموعك
شموع الحب ياعذب اللطافه=تمنيته يضئ لحظة خضوعك
طفى نوره وليل الوصل عافه=حرمني لذة الفرحه برجوعك
أعزي كل دمعة عين جافه=توفت قبل تسجد في خشوعك
تفرق شملنا وضعنا حسافه=وذبلت كل وردة في ربوعك
مابين الجفن ورموشك مسافه=وانا ماعدت أقرب من دموعك