استميحـــك عذراً

[شجون القصيد]

القصيده بأخي وهل هناك اجمل من الاخوه ... بس بقول المناسبه احسن

كان مسافرا وارسل يسأل عن الاحوال ولانه صاغها شعرا ارجئت الرد ليكون بمقام رسالته

اتصل والجوال على الصامت >>>> ياشين العذر بس انه صحيح

ثم ارسل بعد ذلك رساله أحسست انه صفعني بها

يقول :

مادمت في دنيــاه هاليوم لاشــي .... لا ترد في صوته ولا من رساله

لا قلت دق اشتقت ياخافقي/ عي ... ايلين هي تبدا لاخوها بوصاله

..... فكان الرد

.............................. ........



ياشربي وزادي وشمسي مع الفي = خسران من لا صرت له راس ماله
له فايده عيني بلا شوفة الضي = وش عاد وانت القلب مانتب بداله
الزرع ماتثمر غصونه بلا ري = ولا ينتخي عودٍ بليا عياله
اغلى من الدنيا علي قول ياخي = اقسم قسم بالله مالقلب داله
ان كنت في دنياك عديتني شي = فاانا شربتك بالغلا للثماله
في ذمتي مالك عديلٍ ولا زي = وحكي الزعل صعبٍ علي احتماله
الأخ ماتنقال ياخوي من غي = يقولها من لاهب الكرب طاله
وانا ليا ضاقت نخيتك بعد حي = لقيت عن جور الليالي عداله
من لايعرف الصقر عرضه للشي = ومن هو يهاب الطايله ماعنا له
شوقي لشوفك طاويٍ مهجتي طي = والبيت كله قالب الشوق حاله
يادنيتي يامسندي ياغلا الحي = ياضي عين شجون واغلا حلاله
جيت استميحك عذر عن جهلي السي = وانت الكريم اللي عريبٍ خواله