صوت ابو سلطان وصدى سناعيس

[سناعيس]

الشاعر عبدالله العتيبي (أبو سلطان)
صديق وزميل سبق وأن كتب هذه الأبيات
عندما دخل منتدى الفطاحلة وأراد التسجيل فيه
الا ان ظروفه لم تسمح له بعد
ونأمل ان نراه بيننا قريبا
ابوسطان يقول:

فطاحله وأشوف معهم سناعيس=عنوانهـم يشـد كـل انتباهـي
من زارهم مازار حقل المفاليـس=في شعرهم من حكمة أبو العتاهي
فطاحلـه مادوجـو فالدواعيـس=ولا جاهم يباشر خبيث المقاهـي
الكايدات لكـل قـرم مقاويـس=والا الردي في حلم عمياه ساهي
روس الجبال ويعتليها القرانيـس=والبوم ماتشهر سـواة الدواهـي
هذي مشاعر يالنشاما وأحاسيس=ياعز ماهـي بالقرايـب تباهـي
وصلوا عدد ماسجلو بالقراطيس=على نبي جـاء بحـق ونواهـي

0
0
ورديت عليه بهذا الرد المتواضع

حي القصيد اللي فلا فيه تدليس =وافي وشافي في معانيه راهي
من شاعر لاقال جت له مراويس=جزل البيوت ولالها من يضاهي
صيده سمين ولا يحب المطاريس=حاسم وحازم جاء نهائي وناهي
سليل قوم يملكون اجمل العيس=ربع لهم في كل ديره وجاهي
عتيبه هل الطولات واهل المحاميس=ماهم من اللي لاعزم جاب شاهي
مايستسيغ يصير خلف الكواليس=ولاهوب عن حق الرجاجيل لاهي
هذا ابو سلطان شاعر أحاسيس=جاء للفطاحل بالمطاليع باهي
حياك ربي يابعيد المراميس=في موقع لاجيت مابه متاهي