قليل خاتمه

[عبدالعزيز البليهد]

ياذهاب العقل بالله كن لطيف = خذ بقايا العمر لايذهب تلف


هكذا الايام بقبال ونكيف= والعمار من الولي دين وسلف


تالي الدنيا عليها الله تخيف = ثايرن دخانها حرب وجنف


وصاحب كنا نقاسمه الرغيف= ماجزانا إلا المغثه والقرف



مايتل الروح بالدنيا وليف = اوصديق ويجحدونك للاسف


ياسموم وياعجاج وياخريف = وآخليفة من ترجاء بك خلف



آآآه والله وآ غميظة كل ريف = وآآآ حسافة كل مطنوخٍ دلف


ذكرياته في دلاله والمضيف = خاويـاتٍ ماتقل نجره رزف !!!


طحت طيحة من يكنّى با لشريف= احتضن رابين وينه والشرف


ياحقير النفس لو وجهك نظيف = النوايا السود بحّجاجك كلف
قيل رجلٍ لايخاف ولايخيف =وينكر المعروف مايسوى طرف

دام ماله خاتمه بُعده ظريف =ثالث الاعياد لامنّه ذلف