خيبة ملك

[منصور بن ملك]

على فكره ملوك الحب كانت تحكم الافاق"="وكنت بمملكة حبي مأمن كل حراسي
بلحظه غبت عن ملكي يويلي والاسف حراق"="فقدت اغلى حبيب(ن)كان يشاركني بمجلاسي
مصيبه كلمة انساني على المغرم على العشاق"="حزينه دمعة المظلوم اذا صار الحكم قاسي
زلازل ثارت بقلبي تشق القلب بالاعماق"="دمار الحزن في نفسي يقض بروحي اجراسي
نسف فيني صدا كلمه بروج الصدق والاشواق"="بكلمه صارت الدنيا خلا من ربعي وناسي
تلظى بالحشا نيران لهايب تشعل الاحداق"="عسى يوم الحشر ما حان وصب الموت لي كاسي
تعبت احمل لواء الصدق بدنيا سيفها براق"="مع كذاب ميزانه يطفف حبي واقياسي
عجيبه يازمن دنيا اعامل ناسها باخلاق"="ولي كلمه ابنطقها لاحد يجرح لي احساسي
انا باقي بدمعاتي غريق بدمي الدفاق"="اضخ الحب لين اموت والفظ اخر انفاسي
انا ما اقدر ابد ياقلب اجدد عهده بميثاق"="مدام انه قدر يهدم جسور الوصل بافلاسي
مخيفه جثة العاشق اذا شافه غراب وغاق"="بليله ما بها قمرا ولانجمه له تواسي
نهاية قصتي كلمه صار الحب ما ينطاق"="وصار المال هو الحاكم وطاح التاج من راسي