يا صاحبي سولف

[ترانيم المطر]

ياصاحبي سولف ترا جونا طاب = وبعدك ترا كل المعاليق في كبت
لو غاب غيرك ما حسبنا له إحساب = وأنته غيابك نشربه مر لا غبت
إن غبت كل الكون في خاطري غاب = ولا شفت زولك من خفا القلب رحبت
ولا تهزني في غيبتك ضحكة الناب =وكلي عذر عن مابدر يوم كذبت
يشهد على ما أقول خلاق الأرباب =ما أحب غيرك لو عن القلب جنبت
وإن كان تبغى حق ياعز الأصحاب = ما ضاع لك حق(ن) وأنا ما تهربت
جدد عهود القلب ما أبيك ترتاب =وأختم على كل المواثيق لا خبت