اغتيال الطفولة

[نافع بن محمد البويت]

السلام عليكم ورحمة الله وبركاته
تحية طيبة لكل الاخوة اعضاء ومنتسبي منتدى الفطاحلة الراقي في مضمونه
وبهمة ادارته المتجددة في الفكر والمحتوى والتمس العذر من الجمبع بعد الغياب
وارجو ان تتقبلوا من هذه المشاركة المتواضعة


اغتيال الطفولة
صباح الخير ياطفلة تعاني زحمة النسيا ن=مساء الخير ياطفل(ن) تمنى من ابو ضمة
طفولة حظها العاثر رماها فحضرة الطغيا ن=ابوقاسي عنيف(ن) والضحية من لحم دمَه
يصبَحها غضب (ف)الليل ما تغمض لها اجفا ن=ذبل ورد البراءه طاح من غصنه ولا لمه
تخيل لو طلب طفل(ن) بعض حقه من الاحسا ن=يجيه الوالد الجلاد ما فاده ظهر امَه
طفل يغتال في حلمه وآماله بيد انسا ن=وقف شاهد على دمعه يمشه في طرف كمَه
بقى حلمه حبيس اقواس خايف رهبة السجا ن=عشر مرات في يومه يذوق الموت ويخمه
تنفس من غبار الهم والضيقه كثير الوان=يشوف الغير يتنعم نسيم الصبح ما شمه
تجرع صمت في غصة تقول انه خريس السا ن=اخذمن وحدته صاحب ينسيها كبر همه
كبر يحمل معاناته ولاينسى خبرها كان =يقول حنا كذا شلنا خطايا الغير ومطمَه
سأ ل اذنه صحيح اللي سمعت او انا غلطا ن=صحيح اني غبي ما افهم الفتحة من الضمه ؟
متى ياوجهي الملطوم لك هيبه ولا تنها ن=متى يا بوي في عينك اجي رجال ولي همة
ترفق قدوتي لا هنت في صدري غلا منصا ن=انا كبدك ترى تمشي على ارضه و(ف) الذمه
عهد مني لجبك انسان متحزم واعنَ احصا ن=وعد مني لحط اسمك علم مركوز فـ القمه
انا ما اقول ابي حبلي على الغارب ابي ميزا ن=ابوي اسمع طلبتك شي فمي ارجوك (مـ) تكمّه