" لا .. لأحد "

[علي ال شيبان]

"النظرة الحرّة "
مثل.. ماينبت العصفور في جذع النخل صوره=مثل.. ماتنبت الذكرى على وجه الغدير اطفال
مثل.. ماتنبت اللحظه مدى , واهات منثوره=مثل.. ماتنبت ابيات القصيد الثايره ابطال
اقيد من المسا ليل العتاب وحلم واسطوره=واراود للحنين الما واقيد لـخطوتي تمثال
انا ياسيدي.. دمعة يتيم,وعين مأسوره=انا ياسيدي.. لو ليّ أسف ياللاسف لازال
انا المنبوذ في غرفه.. وطرّقي وسط معموره=غريب..ولا لقى غير اليباس ,ودفترٍ دّجـال
احيك من الامل حلمٍ.. وثوبٍ يستر العوره=خساره لا رفيق القى .. ولا حتى صبا خلخال
ماغير الوحده المُره.. تذكرني ومعذوره=دخيلك ويش هالدنيا.. بلا ديره , وراحة بال؟!!
هلا..يالنكهة المُره مادام ان المدى جُوره=هلا..يالنظره الحُره بلا ضجّة ولعب عيال
صبرنا.. والصبر علقم وفز الثوب من طوره=يقيد الفزعه بدمي.. تفضل سيدي فنجال!
الآيالله.. ياعالم خفايا الدمع وبحوره=الآيالله.. ياعالم خفايا دمعتي والحال
لفيتك.. هارب بصدقي وخلفي ناس مذعوره=لفيتك.. والحكي جمره تقيد من الثرا تمثال
.
.