تهجاني هجوسي تهجي

[علي سعود العازمي]

السلام عليكم ورحمة الله وبركاته

أحبتي لكم ورد الصباح عطره الود والاحترام

بدون مقدمات عتبروها سجت فكر
يامتعب التفكيـر مـع كـل فجـي=يبعد ويتعـب سبـت الأقـدام فجـه
فج(ن) عنه صيـده توحـش وهجـي=صيده عنه وحشة خلا الفـج هجـه
يومي أبرؤس أشجاره الخظرعجي=وأسباب موتة خظر الأغصان عجـه
معزول ماأسمع فيه صوت(ن)يصجي=من الونس خالـي ولافيـه صجـه
برضه تهجانـي هجوسـي تهجـي=هجوس فكري كل صوب (ن) توجه
فجن معه فكـري تمـادى وسجـي=متعب ولكن جازلـي فـي مسجـه
سجيت لا كن سارح الفكـر رجـي=مع سجتي هاجوس الافكار رجـه
من رجته قامـت ظلوعـي تلجـي=لجـة سبـاع(ن) جايعـه مستلجـه
عـزاه كل(ن) اللـمـراره يبـجـي=وأنـا أتـذوق مـر وقتـي مابجـه
يامـن عبـادك يـم بيتـك تحجـي=نـج الـذي ناجـاك بالسـر نجـه
أنت الذي ماغيرك أحـد(ن) ينجـي=يالله بجاهك جايـر الوقـت أحجـه