اسمك وعنوانك بجوالي

[محمد بن عمار]

السلام عليكم ...
الله يمسيكم ويصبحكم
بالخير والنوروالمسرات .
مشاركة متواضعة عسى ان
ترتقي لشموخ ذوائقكم الباسقة ..

اسمك وعنوانك بجوالي


يا حظ من وقته صفا له يوم = مع من يحبه ، داله وسالي
ما هو بمثلي ، دا يماً محروم = مشقي حياته ، أول وتالي
ما احد ٍ ترى من الغلط معصوم = يومك تعذبني على الخالي
حبك سرق ، مني لذيذ النوم = طول الليالي ، ساهر لحالي
ماهان شخصك دايما محشوم = قدرك بعيني ، عالي وغالي
من يوم ما طاوعت لأهل اللوم = في مشيهم والقيل والقالي
وطعنتني من خنجر ٍ ، مسموم = وأنا الغدر ما جاء على بالي
صار الوفاء ، من شيمتك معدوم = وتحطـّمت من فعلك آمالي
أتلفت أنا ، تذكارك ، المزعوم = واسمك ، وعنوانك بجوالي
معادلي في عشرتك ملزوم = من وسط قلبي مركزك زالي
دام انقطع من بيننا المقسوم = أبا أتركك ، وأروح في فالي


محمد بن عمار