وكـل عطـاه الله دليـل يـدلـه

[الطامي]

من اروع ماقاله الشاعر / عبدالهادي بن سهل المري رحمه الله


اللي على الأدنيـن فتـق وخلـه=بوصفه لك وصف وانت مخدومي
خطوى صبي مـا قريبـه يملـه=اسنافي(ن) جنسه قليل معدومـي
يفرح الى جـاو النشامـا محلـه=يتعب لما جوه الرجـال القرومـي
يحرص على جاره يدور ارضلـه=يرخص له المطلوب لاجا اللزومي
وان جات عقب السير مثل الأهلـه=يذبح من الحيل المواحيل كومـي
وإلا شجـاع مـا اللـوازم تزلـه=يوم المكارم مثل ضلـع زحومـي
من دون حقه ياخذ السيـف سلـه=يعرف قوانين الوفـاء والسلومـي
تنطح بـه العيـال ويزيـن دلـه=لا ولدت عوج السوالـف بتومـي
ويقلط إلى غليـت عمـار المذلـه=كنه على النفس الكريمه يسومـي
والكايد اللـي كـل حمـل يشلـه=من لابته ينقـل كثيـر الهمومـي
يرقـد رفيقـه خابـره ساهرلـه=من طيب راسه ساهر(ن) ما ينومي
يضحك الى جا من خصيمه اشكله=ياخذ حقوقـه بالوفـا والتمومـي
ياخذ ويعطي كل عقـد(ن) يحلـه=عنده دوا الجربا وكـل مهيومـي
من طيب ساسه طيب راسه جبلـه=ماهو على ربعه لنفسـه يزومـي
ومالـه الـى حفـت لياليـه فلـه=كن العرب عنده سبائل اطعومـي
وباقي العرب يافالح الـراي خلـه=من جيز مخلوقات منشي الغيومي
والناس محد(ن) راح بالطيب كلـه=قد قسمه ربي عليهـم اقسومـي
وكـل عطـاه الله دليـل يـدلـه=مثل الغنايـم كاسـب ومحرومـي