ما كل من حبيت بادلك با الشوق

[احمد الجريفاني]

لو كل منهوا حب يسموا به الشوق=ما هانت العشره ولا تاهت اشواق
ولو كل منهو حب في لوعته ذوق=شفت العواطف تحتفل وسط الاعماق
الحب سيره بين عاشق ومعشوق=ماهو خيال يترجمونه با الاوراق
الحب غالي مسكنه داخل الموق=الا مع اللي حبهم زيف ونفاق
الحب يلعب بك على كل طاروق=وصل ولقا وشموع ودموع وفراق
اذا نواك بخير بشرت معلوق=ابشر بجنه كلها وصل وعناق
تحس ساعتها شلعك الغلى فوق=في غمض عين لساحة العشق تنساق
تزور عالم ما وطى فيه مخلوق=ما عكر سكونه سوى نبض خفاق
واذا تنكر : فرحتك تنقلب عوق=لو انك اغنى الناس تشعر با الاملاق
تنقد على نفسك ليا سرت با السوق=الشكل رزه بس تفكيرك معاق
الحب ماهو لعب له شرع وحقوق=صدق المشاعر والتفاني والاخلاق
ما كل من حبيت بادلك با الشوق=ولا كل من جافيت ما يهدي اشواق