قلوب العاااشقين ....

[حرف وشعر]

تشوقنا وشوق الود كايد = ولولا الشوق ماذقنا النكايد
ولولا الود ماصغت القوافي= ولا دونت ديوان النشايد
ولا سجيت في قفر البوادي= ولا ناديت واطيوري هدايد
ولاشيعت مطراش الموده= ولا عرضت نفسي للشدايد
ولا قلبي تولع في وداده= ولا جنيت من بعد الركايد
وانا ياصاحبي لولا هواهم= نكثت العهد واخلفت الوعايد
وخليت الهوي والود كله= وجافيت القوافي والقصايد
ومن لا ذاق طعم الود مره = يلوم اللي تجافيه الوسايد
يناجي بالدجي اطياف خله= وجمر الشوق بالوجدان قايد
وقبلي في الهوي مجنون عزه= كثير كان للعشاق قايد
وعنتر في هوي عبلا تغرب= طريد الدار في حر البوايد
وكلن في الهوي يطرد وليفه= وانا ولفي بعيد امن الطرايد
كحيل العين مفرود الثنايا= كما بدرا علي غيم الرعايد
عسي من لامني في ود خلي= يذوق اللي بلاني بالوكايد
عساه ان جاه ماجاني تعلم=ويدرك ماجرت فيه العوايد