الطائر المهاجر
13-12-2005, 01:50 PM
http://www.fatahilah.com/up/BanNoormx.mp3
بان نور الفجر والعين عيّت تنام = من هجوسٍ سرى بي واشعل الذاكره
رجعتني لأيّام الهوى والغرام = يوم توّي شباب ونظرتي قاصره
مع حبيبٍ اسرني بالسحر والهيام = راح عمري بدربٍ ما عرفت آخره
كلما اقفيت نادى وكلما اقبلت قام = ما رسى في قراره لحظة عابره
حار فيه الفكر وازريت معه افتهام = لا هو صغير جاهل فيه من يامره
ولا هو اللي لعوبٍ مرخيٍ للجام = ولا هو اللي مريضٍ والمرض قاهره
قالوا الحر يفهم بالإشاره تمام = قلت ماهو صحيحٍ لانعمى ناظره
انعمى كل عقلي مع رشيق القوام = مثل مسبوه فكره خطوته حايره
يالله إني دخيلك منه لا ارخى اللثام= وبان عقد تلالا ابسمةٍ خاثره
كل زينٍ بهالدنيا عليه السلام = لا بدى البدر يخفي نجمةٍ ظاهره
قلت ابقفي ولا ارجع كود فيه الختام= ولو ينادي سفهته مالي بخاطره
لكن القلب عيّا واشتكى في سقام = كيف ابترك حبيبٍ عملته نادره
لا ني اللي فهمته بعد طول المقام = ولا هو اللي افتهمني والشكك ساوره
غاب نجمه بليلي دون ادنى كلام = لا اثر عنه يذكر غير في الذاكره
بان نور الفجر والعين عيّت تنام = من هجوسٍ سرى بي واشعل الذاكره
رجعتني لأيّام الهوى والغرام = يوم توّي شباب ونظرتي قاصره
مع حبيبٍ اسرني بالسحر والهيام = راح عمري بدربٍ ما عرفت آخره
كلما اقفيت نادى وكلما اقبلت قام = ما رسى في قراره لحظة عابره
حار فيه الفكر وازريت معه افتهام = لا هو صغير جاهل فيه من يامره
ولا هو اللي لعوبٍ مرخيٍ للجام = ولا هو اللي مريضٍ والمرض قاهره
قالوا الحر يفهم بالإشاره تمام = قلت ماهو صحيحٍ لانعمى ناظره
انعمى كل عقلي مع رشيق القوام = مثل مسبوه فكره خطوته حايره
يالله إني دخيلك منه لا ارخى اللثام= وبان عقد تلالا ابسمةٍ خاثره
كل زينٍ بهالدنيا عليه السلام = لا بدى البدر يخفي نجمةٍ ظاهره
قلت ابقفي ولا ارجع كود فيه الختام= ولو ينادي سفهته مالي بخاطره
لكن القلب عيّا واشتكى في سقام = كيف ابترك حبيبٍ عملته نادره
لا ني اللي فهمته بعد طول المقام = ولا هو اللي افتهمني والشكك ساوره
غاب نجمه بليلي دون ادنى كلام = لا اثر عنه يذكر غير في الذاكره