وقف دقيقه ,,,,, الجديد

[حرف وشعر]

وقف دقيقه نستشف الحقيقه=والكل منا يتضح له طريقه
لحظه حبيبي خلها بالرواقه= حق الهوي من حقنا ما نعيقه
نبغي نقارن بيننا في المحبه= ونشوف من هو وافي (ن) مع عشيقه
انا الحبيب اللي بدعت البدايع= لألجلك وهزيت القلوب الرقيقه
وانا الحبيب الذي سبقت الثواني=لاجاك هم(ن) او تبلتك ضيقه
وانا الصبور ولو دهتني الليالي=اصبر وصبري ياغلا ماتطيقه
وانا الصدوق اللي وفيت المحبه= وانا الذي ماخنت عهدك دقيقه
وانا الذي لامن دعيت الدعاوي= عندي لهاذيك الدعاوي وثيقه
وانا الذي قاسيت سبع (ن) خوالي= برهانهن ذيك السنين العتيقه
وانت الذي حطمت قلبي وحلمي=واشعلت لي بين الحنايا حريقه
وانت الذي جازيتني بالتجافي=وخليني وجروح قلبي عميقه
واليوم اشوفك تعتذر والمدامع=هلت علي ذيك الخدود الرقيقه
أقبل ولا تخشي ضياع المحبه=ماني من اللي يقطعون الوشيقه
شوف التباين بيننا في الموده= والبون شاسع بيننا في الحقيقه