&&ما عاد باقي شي يرجى من الناس &&

[منصور العبدالله]

اشتقت لمعانقه انظاركم

وملامسه قلوبكم

عذرا للتقصير



ما عاد باقي شي يرجى من الناس=مادام ما باقي لنا من مودة



الصاحب اللي شال عزك من الرأس=لأتتبعه عده من الناس عده



وخلك عزيز النفس والعز نوماس=ولأتتبع المقفى أيلا وصل حده



ومن ما يعدك رأس بالرجل ينداس=ومن ما يمدك بالوفا لا تمده



لا تلحق الشرهة مواريد الإفلاس=وخذ شرهه اللي مات ما باح سده



من عافنا عفناه لو كان نبراس=خله مقفى عل وقته يرده



والمرجله ما ردها حد وقياس=يزها بها اللي له مبادئ ترده



ولا تخلط الضدين أنحاس والماس=الكل يلبس ما يلاقيه قده



ومن معدنه من طيب يا طيب الساس=بده على كل المخاليق بده



وبالك قرين السوء يبلاك بخياس=وايلا ارتفع مبناك بيديه هده



تلقى طريقه شين وأصحابه أنجاس=ولو تطلبه مليم ما جاد زنده



ياما غدي بدروب طنجه ومكناس=وضيع مصيره بين هاته ووده



الناس واجد و المخاليق أجناس=ومن شاور المعتوه يبلش برده



هذى وصاتى ياغناتى من الناس=خذها نصيحت من غذى فيك وده