العربجيــه والــنــاعــمــه ( مــجــرد مــزحــه لاتــزعــلــون يــابــنــات )

[شوق]

بسم الله الرحمن الرحيم

نبـدأ موضوعنا ..:D

الفرق بين البنت العربجية والبنت الناعمة......:p

أول شيء نبدأ فيه

الناعمة ...;)

نعطيها لون ناعم

اللون الوردي

الناعمة.. طبعا وهي نايمه الدبدوبي والارنوبي كلهم في حضنها

ما شاء الله صارت الغرفة محل العاب وإذا قامت من النوم ما تقوم

إلا الساعه1 الظهر لا بعد واللي يصحيها الشغالة

(( بس أنا راح أترجمه لكم ((

((يالله مرام قوم ماما في قول قوم))

عاد هي تقول شوي وتجي أمها وتصحيها مره ثانيه

يا مرام يا حبيبتي اصحي ..

ترد مرام.. ماما والله بدري الساعة 1 الظهر بدرررررررررري

(تدلع هي وخشتها)

(تو الناس بدري ).................

طيب ماما من عيوني

قامت البنت من السرير وفتحت الستارة والشبابيك ...

علشان الغرفة تتنفس ...يااااااااااااااي..

وراحت تأخذ حمام محترم وبعد ما تطلع من الحمام

وعلى المرايه تحط من الكريمات والدعافيس على وجهها ....

تعرفون لازم تحافظ على البشرة

خلصت من المرايه وتتجه الآن إلى الاستشوار

وش..وش..وش.. وش لحووووووووووول ساعتين عز الله اللي اندمرت هالشوشه

خلصت منه دقت البنطلون الجينز والبلوزة ونزلت تحت تفطر على كاس عصير برتقال .....

مسويه رجيييييييييييييييييم -------------------------------------

العربجيه :D

نعطيها لون ((اسود)) لايق عليها

تقوم الساعة 8 الصبح وهي ما ودها تقوم ..

وجات أمها تقومها .. يا سوير قومي يا مال الحمى

ترد سوير وتقول (( لحووووووووووول زين زييييييييين

...تنفخ بعد

بس لو تشوفون شكلها وهي نايمه.. كراع هنا وكراع هناك ..

لا وكل ثلاث ساعات وهي طايحه من السرير

يجي أخوها حميد ( اسمه محمد بس يدلعونه حميد (

ويقومها مره ثانيه ياااااا سوير تقول أمي قومي جعلك الموت

ترد سوير..(( أقول اطلع ولا صكيتك على جبهتك()

(تقول اصبخه مهب جبهة)هههههههههههههههههه

ويجي مناحي أخوها الكبير ...

سوير وجععععععععععع ..

ويعطيها ذيك الرفسة اللي خلت عظامها تهلهل

وبعد هالرفسه القوية ... فزت فزه ما يعلمها إلا الله

وقالها مناحي..قومي صلحي فطور عشر دقايق إلا وهو جاهز زيييييين

شوفي أبي قرص وخبز..

وقامت بعد جهد جهيد وعلى شتم الحي والميت

حتىىىىىىى ولد عم جد أبوها ما سلم منها .............................. ...........


الناعمة..

هذي ما تتغدا إلا الساعة 3 ولا 5

لا ولا تتغدى إلا على رز ابيض مسلوق وسلطه .. تحافظ على الرشاقة
.............................. ..........

العربجيه ..

تتغدا الساعة 12 بالضبط ولا تتغدا إلا على كبسه

وإذا خلصت ؛ إلا كاس اللبن مراعي متولم عندها تشربه شربه وحده .............................. ......

الناعمة..

طلعتها تكون من بعد صلاة المغرب

(ما تطلع في العصر يااااااااااي تحافظ على البشرة ؟؟

..............................

العربجيه..

تطلع الساعه2 في عز القايله وتدقها كعااااااااااابي لبيت خوالها ..
.............................. ............

الناعمة..

تروح العقارية والمملكة والفيصليه ومول وقبل ما تروح السوق

تمر على المشغل علشان تحط ((ميك..أب سوق))

هذا (ماكياج سوق ما سمعتوا فيه هذا يبدأ من العيون وفوق ياربي لا تبلانا)

ههههههههه
----------------------------------------------------

العربجيه ..

تروح البطحاء وحراج بن قاسم عشان تلقى العرابجه اللي مثلها

----------------------------------------------

الناعمة..

إذا تطلع تطلع مع يارا ولارا ، ورولا

وفيفي وميمي ومايا وغيرهم (أسامي دلع)

-----------------------------------------------------

العربجيه ..

تطلع مع بنات خالاتها وضحى وشقحى ومزنه ومنيرة وصيته وعمشه

---------------------------------------------------


الناعمة..

إذا شافت واحد حلووووووووو لابس صح وماركات وحركات وحاط سكسوكه ومحد قده

قالت ..يااااااااااااااااااااي بنات نازرو (((يعني ناظروه هذا الله يسلمكم ماغير من الدلع)))

ياربيييييييييه واااااااااو

عاد البنت أعجبها الشاب اللطيف هذا ودها تحتك وتقوم وتمر من عنده وتدفه بكتفها

وإذا دفته بكتفها قالت اووووووووووه آسفة

ويرد عليها .. لا عادي على ايش الأسف عيوني وتبتسم ذيك الابتسامة اللي شقت وجهها

وتخزه بهالنظرات وتسلهم بهالعيون

وهو ((( ما تلقاه من الحياء !!!!!!!! ((((

-----------------------------------------------------

العربجيه..

إذا جات تتزين

شخطت هالعيون بهالكحل وألبست البرقع

وطلعت هي وشقحى ومنيرة ومزنه وعمشه للسوق الداخلي

عاد العربجيه يمر من عندها واحد راكب جيب فكس آآآآآر موديل 2002 وداق شماغه

{كوبرا} ويمر بهالجيب ويسوي حركات استعراضيه

وتقول يا بنات تكفووووووووووووون شوفوه يا ويلي ويلاااااااااااااااااه

تكفون ياخوياتي

وتقوم بنت الحلال وتقزززززززززززه قز والرجال راح في خرايطها

وعاد لا شافها تقزه

قال... يا غزال ارحم حااااااااااالي يا ويلي تكفون يا عربان

……………………………

الناعمة ..

إذا مر عليها واحد قروي قالت وععععععععععععععع الله يقرفك ...

نعم وش تبي يالله هناك بلا قراوىىىى

.............................. ....................

العربجيه ..

إذا مر عليها واحد لا بس بلوزه ضييييييييييييييييييقه وبنطلون ضيييييييييييييييق

وقالها يا حلو عطنى وجه

قالت... أقول أحسن لك ضف وجهك لا يجيك شيء ما يطيب خاطرك

قال..ليش العصبية هذي ؟

قالت أقول والله لو ما تضف خشتك لا اتوطى في حوض بطنك ...

علم جاك وتعداك ترى ما أبي أغلط عليك

تراك مثل اخـــــــــــــــــــتي (يقالها ما غلطت الحين ) ههههههههههههههه

(والله بصراحة شكله بنت )

---------------------------------------------------------

الناعمة..

لا جات تضحك هههههههه يالله تسمعها من النعومة ( يااااااااااي)

------------------------------------------------------

العربجيه..

إذا ضحكت أضحكت كذا ((هع هع هع هع هع ))...

الحمد لله والشكر تقول بالعه لها بواري

وإذا جات تمزح مع حميد أخوها أعطته كف حلاقه ...

.( وشلون كف حلاقه هذا مااعرفه)<<<

--------------------------------

الناعمة..

إذا تحب تسمع أغاني ما تسمع عربي خلقه ما تسمع

إلا ريكي مارتن طبعااا لأنه حلووووووووووو

وممثلها المفضل .. توم كروز لوسامته

وميل جبسون وجيم كاري لخفة دمهم

وأحلى ممثله عندها جوليا روبرتس ..

----------------------------------------

العربجيه ...

الأغاني اللي تسمعها خلف بن هذال((مسرع)) وحجاب بن نحيت

وبشير حمد شنان وعيسى الاحسائي وما يمنع الصريخ

ملاحظه : لانشجع على سماع الغناء !!!-----------------------------------------------------------------

الناعمة..

لما تتفرج على التلفزيون تجلس على الكنب وتحط رجل على رجل

وتبتسم لان الابتسامة تضفي بشاشه على الوجه

---------------------------------------------------------------

العربجيـه ...

لا جات تناظر التلفزيون { تتابع مسلسل } .. تجلس على الأرض

وتحط المركا ورآها والكراعين على التلفزيون ,

وان زهقت من القناة الاولى دقت التلفزيون باصبع رجلها

وحطت القنا ة الثانية

-------------------------------------------------

الناعمة ..

اذا تبي تحلم احلام اليقظة طلعت برىىىىى في الحديقة

حقت بيتهم وجلست على الكرسي هزاز وبيدها ايس كريم

-------------------------------------------------

العربجيه ..

اذا تحلم احلام اليقظة طلعت برى في حوشهم

وفرشت البساط(أبو خمس طعش اللي مخطط بأحمر وازرق عرفتوه

وتكت على المركا وقعدت تفكر في المروخ

(شي مختلط من فكس وأبو فأس مع حثالة قهوة وشوي تمر) و يحطونها على الورم0


انتهت المقارنه .//
//

كل بنت تدخل تقول لنا من أي نوع هي لاتستحي عادي :D
أختكم / شوق