جيب وخيمة

[منيع]

بصراحة انا من المعجبين بشعر الشاعر الكبير عبد الرحمن العطاوي
في الطير والمقناص ولشدة تأثري بة جاءت هذة الابيات
---------

جيب وخيمة منظر ينعش الروح=في مهمه ممطرسماها وسم به
والشمس باقي من سناها سناضوح=والنار في جمر القضا تبترم به
مع صفة الرسلان والزاد مطروح=وكحل الفضا عين المولع عتم به
والهرج قل دل والبال مشروح=جلسة عرب زول الهمج ماهمم به
وقبل الفجر طيرٍ يغرد على الدوح=صاح النجر والصيد كل عزم به
وشدو على حوض على السير ممدوح=راعيه كم ضلع طويل خطم به
يمشون والبرقع عن الطير منزوح=وان لاح له زول الحبارا لحم به
مخلابه المعكوف ماعنه مسموح=يشطح بجو وقاع مامن رحم به
هذي طراة العمر عن كل مملوح=والحي مقفي والزمن من صرم به
لوكان مالي بشقر الريش مصلوح=ما ني بنقاله وقلبي غرم به
لاشك يجبرني على القيل والبوح=وصف العطاوي هدته وختتم به
وصلاة ربي عد ماخط باللوح=على النبي الهاشمي واعتصم به
--------