إني داعٍ فأمنوا !!

[الشريف الشرّقي]

لا شك عندي ولا ريب أن العالم العربي الآن يعيش الإصدار الثاني من سايكس بيكو ، أو خطة كيسنجر الجديدة ، ولكن هيهات هيهات ( ويمكرون ويمكر الله .....)
بعدين مافيه داعي أقول لكم إني كاتب الكلام أدناه تحت درجة حراراة -2 تحت الصفر .... يعني لا تشرهون :




فوق الجبال اللي يسمونها الألب =ضلع(ن) يحير شاعره في وصايفه
اليا رقيته ياحمد يشلع القلب *=كن السما جنبك وهي عنك نايفه
ياحليل خشم طويق والعارض الصلب =كل الجبال وزان هالضلع هايفه
في راس ( مونتي بري ) شلته من الغلب =شلت اللحون اللي كما البن كايفه
لانيب لا ولهان ، لا شره ، لا طرب =أنا الغريب اللي تزايد حسايفه
أقول في مبداه يا الله ، يارب= يا خير من يفصل ، والأرواح خايفه
تسمع دبيب النمل لو كان مادب =والناس لا تسمع ولاهيب شايفه
سبوح ياقدوس ياغافر الذنب =سبحان من جلت علينا وصايفه
يا اللي وسع حلمك علوج(ن) من الصرب=ياللي تروف بناس ماهيب رايفه
أنت الطبيب اليا استوت مابها طب =ودواك بلسم ، بس الانسان عايفه
طوبى لمن أرضاك ، والويل والكرب= للي عصى ربه ، ودنياه زايفه
سباحنك اللهم ، من خوف .. من حب =ياحظ من دايم تسبح شفايفه
بعد الثنا ، طالبك طالبك يارب =تحفظ بلاد(ن) للحرمين حايفه
دار(ن) بها التوحيد منهل ومشرب =فيها حجيج البيت ماهيب خايفه
وأقول للي ناوي الشر : يا ..... =اركد قبل نلعن ثواك وطوايفه !!

حمد بن عبد الله بن سعود ..شقيقي وحبيبي الأديب الأريب .