ساعه قبل ســـاعة افـــراق

[الآكيد]

اول بدايتي في الشعر هذه القصيده قبل سبع سنوات


امل ان تحوز على رضاكم في هذا الشهر الكريم






بسـم الله الرحمـن رب المخاليـق = ورب السماء والكون للعبـد خـلاق
الارض مرسيهاجبـالٍ شواهـيـق = وسبع السماء ترسي على غير معلاق
مبداي في ذكره بعد ساعة الضيـق= يفرج همومي لو علي الفضاء ضاق
فالصبح ياعالم قبـل بلعـة الريـق = يوم الفجر يبـدي عليـه بالاشـراق
ذكرت انا الماضي وكثـر التهابيـق= يومي انا جاهل على الشـر سبـاق
وفكـرت بالدنيـا تفاكيـر ترويـق= وعرفـت منهـو للمخالـيـق رزاق
واثـر حيـاة العبـد دايـم تباريـق = مثل السراب اللي على شكل بـراق
يغتر فيهـا مـن حياتـه تصافيـق = اللي حياتـه ماذكـر لفـة السـاق
وانا كرهت اللـي حياتـه تعاليـق = لادين لادنيـا علـى الغـي لحـاق
يتبع هوى الشيطان وامره تلاحيـق = من حب شيطانه على الغي لصـاق
لو دارت افكـاره وعينـه تحاليـق = وسط الفضاء يصبح على شي فواق
يفوق مـن دنيـاه قبـل التحاقيـق = يوم الحشر والناس في جمرة احراق
ياجاهـل الدنياحيـاتـك تمـاريـق = تفرح بها ساعه قبل ساعـة افـراق
اخذ نصايح من يجيـب الطواريـق = وارجع لربٍ خالقك تحت الاطبـاق
واخلص له الطاعه بصدقٍ وتوثيـق = وسبح طوال الليل لو صابك ارهـاق
وصلاة ربي عـد نبـت الزماليـق = على النبي خاتـم رسالـه وصـداق



خـالــد عـتـيـق النفيعي